Í gær var rólegheitar dagur, grenjandi rigning um morguninn svo ég hélt mig bara heima í náttfötum og drekka te og lesa. Kisa var voða ánægð að vera ekki ein heima. Lesturinn gengur bara svona.... ég sit allaveganna við með ágætis athyggli. Ég ákvað svo að fullkomna daginn með því að fara í bjútíful bað og snemma að sofa. Vaknaði fyrir allar aldir í morgun og dreif mig í corpus. Fór svo heim, stokk í sturtu og borðaði hollann morgunmat, svo að mér fannst ég vera bara nokkur fersk þegar ég mætti á bókasafnið, hafði meira að segja sett á mig maskara svona til að vera allaveganna semi-lekkert.
Ein vinkona mín hafði á orði hvað ég væri þreytuleg "you really look tired" .....ha hugsaði ég , ég sem var að enda við að dásama ferskleika minn. En það kom ekki að sök, því að ég átti pantaðan tima á kosmetica hjá Agnesi. Hún nuddaði mig og hafði slakandi tónlist og ég stein sofnaði, eftir tímann sagði hún "you must be really tired" ... ok nú er ég farin að trúa þvi að ég sé þreytt. Það er búið að tala í mig þreytu. Ég sá mér ekki annað fært en að kaupa mér gott krem fyrir þreytta húð, og konan í búðinni sá sér ástæðu til að gefa mér prufu af kremi fyrir dökka bauga undir augum.....
hvar endar þetta.......